Hoppa yfir valmynd
Túngumál EN
Heim

Laus störf

Póst- og fjarskiptastofnun auglýsir lausa stöðu sérfræðings við eftirlit með öryggi net- og upplýsingakerfa mikilvægra innviða og fjarskiptafyrirtækja

Póst- og fjarskiptastofnun hefur eftirlit með net- og upplýsingaöryggi fjarskiptafyrirtækja, stafrænna grunnvirkja og veitenda stafrænnar þjónustu í samræmi við fjarskiptalög og ný lög um öryggi net- og upplýsingakerfa mikilvægra innviða (NIS-laga). Þá gegnir stofnunin ráðgefandi samhæfingarhlutverki gagnvart öðrum eftirlitsstjórnvöldum í því skyni að stuðla að samræmdri framkvæmd eftirlits á sviði netöryggis.

Póst-og fjarskiptastofnun óskar eftir að ráða í stöðu sérfræðings við eftirlit með öryggi net- og upplýsingakerfa mikilvægra innviða og fjarskiptafyrirtækja.

Smelltu hér til að sækja um

Helstu verkefni og ábyrgð

Uppbygging á aðferðarfræði eftirlits með öryggi net- og upplýsingakerfa mikilvægra innviði og fjarskiptafyrirtækja.
Framkvæmd úttekta á öryggisskipulagi aðila og gerð prófana á grundvelli fjarskiptalaga og NIS-laga.
Rannsókn á alvarlegum atvikum (netárásum) sem verða í net- og upplýsingakerfum eftirlitsskyldra aðila.
Þátttaka í uppbyggingu á samhæfingarhlutverki PFS og samvinna við önnur eftirlitsstjórnvöld við framkvæmd eftirlits. 

Hæfnikröfur

Háskólamenntun sem nýtist í starfi, t.d. á sviði verk-, tækni- eða tölvunarfræði eða sambærilegu.
Reynsla á sviði öryggismála net- og upplýsingakerfa, t.a.m. framkvæmd prófana og/eða úttekta, svo sem á grundvelli staðla, er kostur.
Þekking á stafrænum innviðum og stafrænni þjónustustarfsemi er kostur.
Umsækjendur þurfa að eiga auðvelt með að starfa sjálfstætt sem og í hópi og jafnframt búa yfir þeim sveigjanleika og festu sem nauðsynleg er til að ná árangri í starfi.
Umsækjendur þurfa að geta unnið undir álagi og hafa tamið sér skipulag í vinnubrögðum.
Góð íslensku og enskukunnátta, bæði töluð og í rituðu máli, er áskilin.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
PFS hvetur konur jafnt sem karla til að sækja um störf hjá stofnuninni.

Starfshlutfall er 100%. Umsóknarfrestur er til og með 28. september nk.

Umsjón með starfinu hefur Unnur Kristín Sveinbjarnardóttir, fagstjóri samhæfingar net- og upplýsingaöryggis: unnur@pfs.is - 5101500

Umsóknir óskast fylltar út á Starfatorgi

 
Fannst þér efnið á síðunni hjálplegt?Nei
Takk fyrir

Ábending þín er móttekin

Af hverju ekki?