Ríkisstjórnin styrkir gervigreindaráskorunina Elemennt

Gervigreindaráskorunin Elemennt er opið vefnámskeið sem ríkisstjórn Íslands hefur ákveðið að fjárfesta í til að styrkja íslensku þjóðina og auka samkeppnishæfni hennar.

Fram kemur á Ísland.is að námskeiðið sé hluti af aðgerðaráætlun fyrir Ísland í fjórðu iðnbyltingunni, með það að leiðarljósi að leggja rækt við þekkingu, uppbyggingu hennar og flæði um allt samfélagið.

Markmið verkefnisins eru:

• Að gera þekkingu á gervigreind aðgengilega fyrir alla svo fólk finni kraft og tækifæri í nýrri tækni, fremur en ógn
• Að valdefla íslensku þjóðina og auka samkeppnishæfni hennar
• Að styrkja starfsmöguleika og starfshæfni Íslendinga

Um er að ræða 30 klukkustunda netnámskeið í 6 hlutum sem einstaklingar geta tekið þegar þeim hentar, hvort sem er í tölvu eða síma, en það er hannað til að vera aðgengilegt flestum, óháð aldri, starfsreynslu eða öðru. Námskeiðið hefur hlotið fjölda verðlauna (meðal annars frá MIT – Massachusetts Institute of Technology) og er nefnt fyrst í flokki vefáfanga um tölvunarfræði, á undan áföngum þekktra menntastofnana á borð við Stanford, Harvard og MIT.

Námskeiðið er ókeypis og öllum opið. Námshraðinn er sveigjanlegur og hentar því vel.

Elements of AI er yfirheiti vefnámskeiða sem fyrirtækið Reaktor og háskólinn í Helsinki þróa í sameiningu og öllum standa til boða endurgjaldslaust.Marmiðið er að fá sem flesta til að kynna sér gervigreind, hvað við getum gert með gervigreind (og hvað ekki) og á hvaða grunni gervigreindaraðferðir eru byggðar.

Efni námskeiðanna er annars vegar umfjöllun um fræðileg atriði og hins vegar æfingar úr námsefninu.

Nánari upplýsingar og þátttaka er á vef námskeiðsins.