PFS gefur út tíðniheimildir fyrir háhraðafarnetsþjónustu

Póst- og fjarskiptastofnun hefur gefið út tíðniheimildir fyrir háhraða farnetsþjónustu sem boðnar voru upp í maí sl. Þar með er umræddu tíðniuppboði formlega lokið.

Heildarupphæð boða í heimildirnar var 159.800.000 ISK,- kr. Þessir fjármunir renna í ríkissjóð, að frádregnum afslætti af verði tíðniheimilda á 700 og 800 MHz sem veittur var samkvæmt skilmálum uppboðs í samhengi við kröfur um útbreiðslu háhraðafarneta. Heimildum á 700 og 800 MHz fylgir skylda til að bjóða háhraðafarnetsþjónustu til 99% byggðra svæða og að byggja upp samtals 14 nýja sendistaði utan byggða.

Tíðniheimildirnar sem gefnar voru út eru eftirfarandi (PDF skjöl):

• Fjarskipti hf. fær þrjár tíðniheimildir:
  • Tíðniheimild D2 á 800 MHz gildir í 15 ár
  • Tíðniheimild F á 2100 MHz gildir til 30. mars 2022
  • Tíðniheimild I á 2600 MHz gildir í 15 ár

• Nova hf. fær þrjár tíðniheimildir:
  • Tíðniheimild C2 á 800 MHz gildir í 15 ár
  • Tíðniheimild G á 2100 MHz gildir til 30. mars 2022
  • Tíðniheimild J og K á 2600 MHz gildir í 15 ár

• Síminn hf. fær fjórar tíðniheimildir:
  • Tíðniheimild A á 700 MHz gildir í 15 ár
  • Tíðniheimild B á 700 MHz gildir í 15 ár
  • Tíðniheimild E á 2100 MHz gildir til 30. mars 2022
  • Tíðniheimild H á 2600 MHz gildir í 15 ár

• Yellow Mobile B.V. fær eina tíðniheimild:
  • Tíðniheimild L á 2600 MHz gildir í 15 ár

   

  Sjá nánar um uppboðið, undirbúning þess og niðurstöður.

  Sjá einnig upplýsingar um öll fjarskiptafyrirtæki með tíðniheimildir.