CE merkingar - Kaup á tækjum

Margir freistast til að kaupa sér ódýr fjarskipta- og rafmagnstæki á erlendis frá, í gegnum netið eða á ferðalögum.  Dæmi um þetta eru farsímar, spjaldtölvur, leikföng, fjarstýrðar læsingar o.s.frv.

Fjarskiptabúnaður þarf hins vegar að uppfylla kröfur sem gilda á evrópska efnahagssvæðinu til þess að nota megi hann hér á landi. Fjarskiptatæki sem eru almennt í notkun í löndum utan Evrópu geta því verið ólögleg hér á landi. 
Ef fjarskiptabúnaður er í fullu samræmi við kröfu á EES svæðinu er hann CE-merktur. 

 Góð ráð áður en fjárfest er í fjarskiptatæki til nota hér á landi  

• Öll fjarskiptatæki eiga að vera CE-merkt.  Ef þau eru það ekki, eru þau ólögleg á Íslandi.
  CE-merkið skal vera greinilegt á umbúðum og á tækjunum. Að auki skal tækið vera merkt með framleiðslunúmeri.
• Ofangreint á við, hvort heldur tækin eru keypt  á Íslandi, erlendis eða koma til landsins sem gjöf, t.d. frá ættingjum. 
• Ofangreint á einnig við ef tækin eru keypt á netinu. 
• Athuga þarf hvort hvort afla þurfi tilskilinna leyfa til að nota tækið á Íslandi.

Dæmi um búnað sem er skilgreindur sem fjarskiptatæki og skal vera CE-merktur:

• Farsímar
• Handtalstöðvar (Walkie-talkie)
• Þráðlaus vaktbúnaður í barnavagna
• Þráðlausir hljóðnemar
• Fjarstýrðar bílskúrslæsingar
• Ýmis símatæki og mótöld.
• Fjarstýrð leikföng
• Útvarpstæki
• Búnaður fyrir þráðlausar tengingar við Internetið
• Radarvarar
• GPS -Búnaður

Munið
Öll fjarskiptatæki verða að vera CE-merkt. Tæki, sem ekki eru CE-merkt, eru ólögleg hér á landi.

• Kynnið ykkur upplýsingasíðu ESB fyrir neytendur um CE merkingar

• Reglugerð nr. 90/2007 um þráðlausan búnað og notendabúnað til fjarskipta og   gagnkvæma viðurkenningu á samræmi þeirra.

• Frekari upplýsingar um kaup á fjarskiptatækjum hér á vefnum.

Markaðsúttekt á CE-merkingum

Sumarið 2016 lét Fjarskiptastofa gera úttekt á CE-merkingum fjarskiptatækja í verslunum. Sú úttekt gaf sterkar vísbendingar um að ein ástæða mikillar fjölgunar á truflunum í fjarskiptakerfum hér á landi undanfarin ár eru tæki sem einstaklingar kaupa á netinu eða á ferðalögum og uppfylla ekki þær reglur um fjarskiptabúnað sem gildir hér á landi og á öllu EES-svæðinu.

Sjá skýrslu um úttektina:

Markaðsúttekt á CE-merkingum fjarskiptatækja - sumar 2016