Hoppa yfir valmynd
Tungumál EN
Heim

Skráningar og leyfi

Almenn heimild til reksturs fjarskiptaneta

Fjarskiptafyrirtæki hafa almenna heimild til reksturs fjarskiptaneta og fjarskiptaþjónustu sbr. 4. gr. laga nr. 81/2003 um fjarskipti. Fjarskiptafyrirtæki sem býður fjarskiptanet, fjarskiptaþjónustu eða aðstöðu sem tengist fjarskiptanetum og þjónustu skal tilkynna það til Fjarskiptastofu áður en starfsemi hefst. Starfseminni ber síðan að haga í samræmi við fjarskiptalög og reglur sem Fjarskiptasofa hefur sett um almenna heimild til reksturs fjarskiptaneta og þjónustu sbr. 6. gr. laga nr. 81/2003.

Tilkynning um fyrirhugaða fjarskiptastarfsemi skv. almennri heimild - rafrænt eyðublað

Fjarskiptastofa heldur skrá yfir þau fjarskiptafyrirtæki sem starfa skv. almennri heimild:

Skráð fjarskiptafyrirtæki


Úthlutun tíðna og númera

Fjarskiptatíðnir innan íslensks yfirráðasvæðis og númer úr íslenska númeraskipulaginu eru auðlindir undir stjórn íslenska ríkisins. Fjarskiptastofa hefur með höndum útlhlutun tíðna og númera samkvæmt ákvæðum fjarskiptalaga. Úthlutunin felur í sér tímabundna heimild til skilyrtra afnota sem hvorki leiðir til eignarréttar né varanlegs nýtingar- og ráðstöfunarréttar.

 Listi yfir fyrirtæki sem hafa tíðniheimildir.

Nánar um númer og vistföng


Gjöld

Skv. lögum nr. 75/2021 um Fjarskiptastofu skulu fjarskiptafyrirtæki greiða árlega 0,38 % af bókfærðri veltu í rekstrargjald. Með bókfærðri veltu er átt við rekstrartekjur sem þessir aðilar hafa af fjarskiptastarfsemi sinni hér á landi.

Innheimta skal jöfnunargjald frá fjarskiptafyrirtækjum til að standa straum af fjárframlögum til alþjónustu. Jöfnunargjald skal nema 0,10% af bókfærðri veltu.

Fjarskiptafyrirtæki sem fá úthlutað númerum greiða gjöld skv. 3. mgr. 14. gr. laga nr. 69/2003. Auk þess geta komið til ýmis gjöld skv. gjaldskrá Póst- og fjarskiptastofnunar vegna tækjabúnaðar og afnota af tíðnum.


Verklagsreglur um skráningu og miðlun upplýsinga um áskrifendur í símakerfum

Þann 28. janúar 2016 voru birtar nýjar verklagsreglur um skráningu og miðlun upplýsinga um áskrifendur sem úthlutað hefur verið númerum í fastlínu- og farsímakerfum.

Fjarskiptastofa vann að endurskoðun á verklagsreglunum með hliðsjón af því hvernig slík skráning og miðlun gekk fyrir sig frá því nýtt fyrirkomulag um miðlun símaskrárupplýsinga tók gildi þann 1. júlí 2014. 

Sjá frétt hér á vefnum frá 28. janúar 2016

 

 
Fannst þér efnið á síðunni hjálplegt?Nei
Takk fyrir

Ábending þín er móttekin

Af hverju ekki?