Í lögum nr. 69/2003 um Póst- og fjarskiptastofnun (PFS) segir að stofnunin "skuli taka þátt í samstarfi sem leiðir af alþjóðlegum skuldbindingum á sviði fjarskipta- og póstmála". Einnig að eitt af hlutverkum stofnunarinnar sé "að vera ráðgefandi fyrir stjórnvöld og ráðuneyti á sviði fjarskipta- og póstmála".
PFS tekur þátt í starfi fjölmargra alþjóðasamtaka og vinnuhópa og hefur það mikla þýðingu fyrir hag íslenskra neytenda, fyrirtækja og stjórnvalda.