Póst- og fjarskiptastofnun gegnir víðtæku hlutverki á sviði fjarskipta, stofnunin hefur m.a. umsjón með fjarskiptum innan lögsögu íslenska ríkisins og eftirlit með framkvæmd laga um fjarskipti. Stofnunin skal stuðla að samkeppni í fjarskiptaþjónustu og koma í veg fyrir ólögmæta viðskiptahætti.
Skráðir aðilar: PFS heldur skrá yfir öll fjarskiptafyrirtæki sem hafa almenna heimild til reksturs fjarskiptaneta og fjarskiptaþjónustu auk þess sem stofnunin setur skilyrði um almennar heimildir og hefur eftirlit með að skilyrðum sé fylgt.
Markaðsgreining: Hér er að finna allar upplýsingar um greiningu PFS á fjarskiptamörkuðum.
Tölfræðiskýrslur: Hér er að finna ýmsa tölfræði og tölfræðiskýrslur um íslenskan fjarskiptamarkað.
Samtenging neta: Samtenging neta er nauðsynleg til þess að viðskiptavinir mismunandi fjarskiptafyrirtækja geti átt samskipti sín á milli. Fjarskipafyrirtæki eiga rétt á og ber skylda til að semja um samtengingu.
Númeramál: PFS hefur umsjón með íslenska númerakerfinu og úthlutar númerum og forskeytum til fyrirtækja í fjarskiptaþjónustu. Stofnunin skipuleggur notkun tíðnirófsins, semur tíðniplan og úthlutar tíðnum með það í huga að tryggja skilvirka notkun þeirra.