Póst- og fjarskiptastofnun hefur mikilvægt hlutverk gagnvart almenningi varðandi net- og upplýsingaöryggi og er í samstarfi við aðra sem vinna að öryggismálum á Netinu.
- Netöryggi.is - upplýsingavefur PFS fyrir almenning
PFS heldur úti upplýsingavef um örugga netnotkun sem ætlaður er almenningi: www.netöryggi.is
Á vefnum er að finna tæknilegar upplýsingar og leiðbeiningar fyrir einstaklinga og fyrirtæki um hvernig best er að tryggja öryggi notenda, gagna og búnaðar.
- Netsvar.is - hjálparvefur um örugga netnotkun
Hjálparvefur fyrir almenning um örugga netnotkun, www.netsvar.is var opnaður þann 22. nóvember 2007.
Vefurinn er samstarfsverkefni Póst- og fjarskiptastofnunar, SAFT verkefnisins hjá Heimili og skóla og Barnaheilla . Vefurinn er hjálpartæki fyrir almenning til að leita svara og spyrja spurninga um hvaðeina sem tengist öryggi á Netinu og er ætlað að stuðla að ánægjulegri og gagnlegri netnotkun allrar fjölskyldunnar.
www.netsvar.is er efnisflokkaður vefur með spurningum og svörum um hvaðeina sem sem snýr að því að gera netnotkun örugga, ánægjulega og gagnlega. Vefurinn er lifandi vettvangur þar sem almenningi gefst kostur á að senda inn fyrirspurnir um hvaðeina sem tengist öryggi í netnotkun og fá svör frá sérfræðingum.
Auk þess að innihalda mikið efni er vefurinn jafnframt gátt inn á aðra vefi samstarfsaðilanna www.netöryggi.is , www.saft.is, og www.barnaheill.is.
- Reglur fyrir fjarskiptafyrirtæki um bætt netöryggi - gilda frá 1. júlí 2008
Skv. lögum nr. 39/2007 um breytingu á fjarskiptalögum nr. 81/2003 setti PFS reglur um vernd upplýsinga í fjarskiptanetum og virkni þeirra og reglur um vernd, virkni og gæði IP fjarskiptaþjónustu og undirliggjandi IP neta. Þessi vinna var unnin í samstarfi við aðila á markaði, bæði netþjónustuaðila og fulltrúa neytenda.
Sjá nánar