Almennt um almenningssíma

Kröfur um staðsetningu
Almenningssímar skulu eftir því sem hagkvæmt er vera staðsettir á stöðum þar sem almenningur á óhindraðan aðgang allan sólarhringinn.  Póst- og fjarskiptastofnun og rekstaraðili í alþjónustu skulu sameiginlega leysa vandamál sem upp koma um staðsetningar.

Kröfur um gjaldtöku
Fyrir símtöl frá almenningssímum skal gilda verðskrá sem er sambærileg við almennt verð í grunnnetinu. Heimilt er að taka hæfilegt yfirgjald fyrir símtöl úr almenningssíma.
Ávallt skal vera hægt að hringja í 112 úr almenningssíma án gjaldtöku

Kröfur til almenningssíma

• Þjónustuveitandi skal stefna að því að almenningssímar séu nothæfir að minnsta kosti 90% hvers mánaðar.
• Almenningssímar skulu vera merktir símanúmeri þeirra.
• Almenningssíminn skal geta tekið á móti símtölum, en þó getur viðkomandi aðili þar sem almenningssími er staðsettur ákveðið hvort innhringar eru leyfðar eða ekki í almenningssíma sem eru staðsettir hjá þeim.
• Hægt skal vera að hringja í númer sem veita upplýsingar um símanúmer úr almenningssímum